Առցանց առևտրով զբաղվող Shein-ը դատական հայց է ներկայացրել իր մրցակից Temu-ի դեմ՝ մեղադրելով նրան հեղինակային իրավունքի լայնածավալ խախտման և պատկերի գողության մեջ, չնայած ինքը նախկինում բազմիցս մեղադրվել է անկախ հագուստի արտադրողների դիզայնը պատճենելու մեջ։
Բարձրագույն դատարան ներկայացված հայցի համաձայն՝ Shein-ը պնդում է, որ իր սեփական հազարավոր լուսանկարներ անօրինականորեն օգտագործվել են Temu-ի հարթակում։ Ընկերության փաստաբանները պնդում են, որ խախտումը «կոպիտ» է և տեղի է ունեցել «արդյունաբերական մասշտաբով», քանի որ պատկերները Temu-ում հայտնվել են Shein-ի կայքում հրապարակվելուց կարճ ժամանակ անց։
Shein-ը նաև պնդում է, որ Temu-ն արդեն ընդունել է, որ իր աշխատակիցների կողմից արված վիճարկվող լուսանկարների մոտ 90%-ը իսկապես պատկանում է Shein-ին, որը հիմնադրվել է Չինաստանում 2008 թվականին։ Խոսքը վերաբերում է չղջիկի թևքերով բլուզներին, լայն տաբատներին և ծալքավոր ոճերին։
Ի պատասխան՝ Temu-ի դուստր Whaleco UK Limited-ը հերքել է մեղադրանքները՝ պնդելով, որ դատական հայցը «օրինական մրցակցությունը ճնշելու» փորձ է։ Temu-ն նաև հակընդդեմ հայց է ներկայացրել՝ պահանջելով Shein-ի գործողությունների հետ կապված վնասի փոխհատուցում։ Temu–ն պնդում է, որ հարթակում ապրանքներ ներկայացնող երրորդ կողմի վաճառողները պատասխանատու են դրանց բովանդակության համար, և որ ընկերությունն ինքը բավարար վերահսկողություն կամ գիտելիքներ չունի հնարավոր խախտումների վերաբերյալ։
Շեյնի փաստաբան Բենետ Բրանդերտ Ք.Ս.-ն դատարանում պնդել է, որ Temu–ի գործողությունները նպատակ ունեին «անարդար առավելություն» ձեռք բերել և փորձել «շուկան գրավել գործող խաղացողից»։ Նա ընդգծել է, որ ենթադրյալ խախտումների մասշտաբները «զարմանալի» են, և որ պատկերները հաճախ փոքր-ինչ փոփոխվել են՝ դրանց ծագումը թաքցնելու համար։
Միևնույն ժամանակ, Թեմուի փաստաբան Շառլոտ Մեյ Ք.Ս.-ն հայտարարել է, որ Շեյնը մի քանի տարի շարունակ «ագրեսիվ և շարունակական արշավ» է վարում իր մրցակցի դեմ, և որ դատական հայցը ստեղծագործական աշխատանքը պաշտպանելու մասին չէ, այլ գերարագ նորաձևության շուկայում մրցակցությունը սահմանափակելու փորձ։ Նրա խոսքով՝ Շեյնի պահանջները իրականում խոչընդոտում են ապրանքների վաճառքին, քանի որ ապրանքների լուսանկարները առցանց առևտրի անհրաժեշտ տարր են, և դրանց հեռացումը կարող է լուրջ վնաս հասցնել վաճառողների բիզնեսին։
Դատարանը նաև լսել է, որ Shein-ը ակտիվորեն օգտագործել է բողոքարկման և բովանդակության հեռացման գործընթացը, ինչը, ըստ Temu-ի, հանգեցրել է հարթակից հազարավոր ապրանքների հեռացման։
Մասնագետները նշում են իրավիճակի հեգնանքը. Shein-ը, որն ինքը բազմիցս մեղադրվել է անկախ դիզայներների կողմից իրենց աշխատանքը պատճենելու մեջ, այժմ մտավոր սեփականության խախտման գործով հայցվոր է։
Նախկինում լրատվամիջոցներում և սոցիալական ցանցերում հայտնվել են փոքր ապրանքանիշերի բազմաթիվ հայցեր, որոնցում պնդվում էր, որ իրենց եզակի դիզայններն ու լուսանկարները պատճենվել և վաճառվել են Shein-ի և Temu-ի միջոցով զգալիորեն ցածր գներով, հաճախ վնասելով նրանց բիզնեսին։
Դատավարությունը, ինչպես սպասվում է, կտևի մոտավորապես երկու շաբաթ, իսկ վերջնական որոշումը կհրապարակվի ավելի ուշ։
Հետևեք NEWS.am STYLE-ին Facebook-ում, Twitter-ում և Instagram-ում
23:01, 18 նոյեմբերի
Բեզոսի կինն է որոշել, թե ով է դառնալու նոր Ջեյմս Բոնդը. ինչպես է Լորեն Սանչեսը «առաջ մղել» Ռոբերտ Փաթինսոնի թեկնածությունը22:23, 18 նոյեմբերի
Ամանորը Ralph Lauren-ի ոճով. ինչպես զարդարել տոնածառը «լուռ շքեղության» բոլոր կանոններով21:19, 18 նոյեմբերի
Rolls-Royce-ը նարդին վերածել է 50 հազար դոլարանոց շքեղության առարկայի. բացառիկ հավաքածուի ստեղծման վրա մի ամբողջ տարի է ծախսվել20:23, 18 նոյեմբերի
Սիրուհու հետ Ջենսեն Հուանգի աղմկահարույց լուսանկարից հետո Շանհայի ռեստորանում ասեղ գցելու տեղ չկա. այցելուները «որսի են դուրս եկել» միլիարդատիրոջ սեղանի համար19:50, 18 նոյեմբերի
«Մոնթե». լեգենդը՝ մանրամասներով. Genetic Production-ը նոր կինոնկար է ներկայացրել մարդ-դարաշրջանի մասին19:33, 18 նոյեմբերի
Աբու Դաբին սուպերզբոսանավերի սեփականատերերին գրավում է շքեղ հանգստի առաջարկներով. էմիրությունը մտադիր է էլ ավելի շատ միլիարդատերերի ներգրավել16:24, 18 նոյեմբերի
«Թրամփի տակդիրների պայուսակը». նախագահի օգնականը համացանցում ծաղրի է ենթարկվել ասիական շրջագայության ժամանակ կրած հսկայական պայուսակի պատճառով16:01, 18 նոյեմբերի

15:14, 18 նոյեմբերի
Մահճակալի չափ լողացող տուն. բլոգերը կառուցել է աշխարհի ամենափոքր հաուսբոթը, սակայն դրա մեջ անցկացրած երեք օրն իսկական փորձություն է դարձել14:22, 18 նոյեմբերի
«Ես հենարան էի փնտրում և վախենում էի միայնությունից». Ջենիֆեր Լոպեսն անկեղծացել է չորս ամուսնությունների ու սիրային հիասթափությունների մասին13:17, 18 նոյեմբերի
Ջեֆ Բեզոսն անձամբ է ընտրել նոր Ջեյմս Բոնդին. միլիարդատերը խոստովանել է, որ ակտիվորեն ներգրավված է եղել Ռոբերտ Փաթինսոնի քասթինգում12:18, 18 նոյեմբերի
Cartier-ի ինքնակոչ ժառանգորդուհուն վռնդել են Նյու Յորքում կայացած աշխարհիկ միջոցառումից